ચાંદની રાતે

આંખોમાં  લીલા
ને હાથોમાં  દિલ

ચાલોને  આસિમ
છે એજ  મંઝિલ

————————————————–

અમે તો નિહાળી બધે બધ  આ લીલા
સમયમાં,હ્રદયમાં ,નયનના આ મયમાં

 જમાનો અમારી  હસદ કરતો રે’શે
ગયાં ક્યાં  છુપાઈ ધરાના પ્રલયમાં

————————————————–

કરશો તમે સિતમ અમે આંસુ વહાવશું
પથ્થરતણાં જવાબમાં મોતી લૂંટાવશું

————————————————–

‘મોહબ્બત ના જીવનની
વીતી ના પૂછો
મળી જ્યારે પણ ચોટ
ખાધી છે દિલ પર‘

– આસિમ રાંદેરી

————————————————–

ફૂલો એ કેમ જાણી હશે આપણી કથા ?
મેં તો ચમન માં કોઇને વાત કરી નથી.

-હરીન્દ્ર દવે

————————————————–

પાસે ગયા તો એમને ખુશ્બૂ જ ના મળી,
મોહ્યા હતા જે દૂર થી ફૂલો ના રંગ પર.

-બેફામ

————————————————–

પ્રેમ ને કારણ આજ લગી મેં,
એક જ ધારી હાલત જોઇ,
દિવસો કાઢ્યા વલખાં મારી,
રાત વિતાવી છાનું રોઇ.

-શૂન્ય પાલનપુરી

————————————————–

ચાલ, સંબંધોનું કોઇ કોણ-માપક શોધીએ,
કે હ્રદય ને કેટલા અંશો સુધી છેદાય છે.

-નયન દેસાઇ

————————————————–

આ રસ્તે આવવાની ઉતાવળ કરો નહીં,
આંખ મેં આખે રસ્તે હજુ પાથરી નથી.

– હરીન્દ્ર દવે

————————————————–

મહેકે ન આમ મારું આંગણ અવાવરું,
નક્કી એ મારા ઘર સુધી આવી ગયા હશે.

-સૈફ પાલનપુરી

————————————————–

તારી તસવીર તો બેઠી છે અબોલા લઇને,
મારી સાથે જ મને વાત કરી લેવા દે.

-બેફામ

————————————————–

દુઃખ પ્રીતનું જ્યાં ત્યાં ગાવું શું ?
ડગલે ડગલે પસ્તાવું શું ?
એ જો કે વસમી ઠોકર છે
પણ ખાઇ જવામાં લિજ્જ્ત છે.

-ઘાયલ

————————————————–

મારા વિના કહો મને, એને સંઘરશે કોણ,
ચિન્તા નથી ખુશીની, પણ આ ગમનું શું થશે.

-શેખાદમ આબુવાલા

————————————————–

તમને જોયાં એટલે સૌ ફૂલ છે આ બાગ માં,
ના જુએ તો એ હજી પણ શૂલ છે આ બાગ માં.

-બેફામ
————————————————–

ઉદાસી આ સૂરજ ની આંખે ચઢી છે,
તમારા વિના સાંજ ડૂસકે ચડી છે.

-ભગવતીકુમાર શર્મા

————————————————–

પ્યારું તજીને પ્યાર કોઇ આદરે છેલ્લી સફર,
ધોવાઇ યાદી ત્યાં રડાવે છે જુદાઇ આપની.

-કલાપી

————————————————–

હવે પલક થી કદી આંસુઓ નહીં ટપકે,
કરે છે મૌન હવે દિલની દાસ્તાન તમામ.

-શૂન્ય પાલનપુરી

————————————————–

મિલન ના કોલ વિના રાહ એની જોવી,
એ મશ્કરી છે મહોબ્બત ની, ઇંતેજારી નથી.

-મરીઝ

————————————————–

હોય ના કાંઇ ખુલાસા
પ્રેમ છે મૌનની ભાષા.

-દિલીપ પરીખ

————————————————–

આ શું કે આખા દિલ માં તમારું જ દર્દ હો,
થોડી જગા કરો કે જગનો ય ગમ રહે.

-મરીઝ

6 thoughts on “ચાંદની રાતે

  1. shiwang

    jivan ne agane tari judai ma lila, divas ke raat ho banne udhas ave che
    ne varso vitya chata pan kinare tapi na, haji e swas ni tara suvas ave che

    Aasim Randeri

  2. shiwang

    asim aje ranibage, urmi ne kya thes na vage
    mast pavan ma pushp parage, kem mane vairag na jage

    Asim Randeri………….

  3. nitinkumar modi

    shree kailash pandit ni pankti ghani gami
    majhha aavi

    કોણ ભલાને પૂછે છે ? અહીં કોણ બૂરાને પૂછે છે ?
    મતલબથી બધાને નિસ્બત છે, અહીં કોણ ખરાને પૂછે છે ?
    અત્તરને નીચોવી કોણ પછી ફૂલોની દશાને પૂછે છે ?
    સંજોગ ઝુકાવે છે નહીંતર અહીં કોણ ખુદાને પૂછે છે ?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s